“మనిషి కణాల్లో, ప్రతీ వస్తువులో, పదార్థంలో మనం చూసే ఆటమ్స్, వాటిలోని సబ్ ఆటమిక్ పార్టికల్స్ అయిన ప్రోట్రాన్స్, న్యూట్రాన్స్ అనేవి వాస్తవం కాదు. అవి ఒక నిర్థిష్టమైన రూపాన్ని మాత్రమే ఇచ్చేవి కావు. దానికన్నా ముఖ్యంగా అవి అనంతమైన సాధ్యాలను ప్రతిఫలించేలా ప్రవర్తిస్తాయి”. – క్వాంటమ్ మెకానిక్స్ పయనీర్, నోబెల్ ప్రైజ్ గ్రహీత వెర్నెర్ హైసెన్‌బెర్గ్

—————–

నా వివరణ:

ఒక మనిషి కడుపు నొప్పితో బాధపడుతున్నాడు. కడుపులో ఓ ఆర్గాన్, దాని టిష్యూ, ఆ టిష్యూలోని కొన్ని కోట్ల సెల్స్, ఆ సెల్స్‌లోని సబ్ ఆటమిక్ పార్టికల్స్‌లో ఉండే ఎనర్జీ అసమతౌల్యం వల్ల ఆ నొప్పి ఏర్పడింది.

ఆ నొప్పిని తగ్గించుకోవడానికి క్వాంటమ్ థీరీ ప్రకారం అనంతమైన పాజిబులిటీస్ ఉంటాయి. ఒక స్పిన్ రేట్ దగ్గరే నొప్పి తలెత్తింది. ఆ స్పిన్ రేట్‌ని ఓ ఇంగ్లీష్ మెడిసిన్ ద్వారా గానీ, హోమియో మెడిసిన్ ద్వారా గానీ, ఫ్రీక్వెన్సీ మెడిసిన్ ద్వారా గానీ ప్రభావితం చేసుకోగలిగితే అది ఓవరాల్ బాడీ ఇంటెలిజెన్స్, హార్మొనీకి తగ్గట్లు ఎనర్జీ స్పిన్ రేట్‌కి సరిచేయబడి పెయిన్ తగ్గుతుంది.

ఇక్కడ క్వాంటమ్ ఫిజిక్స్‌లో చెప్పబడే.. “అబ్జర్వర్ ఎఫెక్ట్” అనేది ఒకటి చెప్పుకోవాలి. స్థిరంగా లేకుండా డైనమిక్‌గా స్పిన్ అవుతుండే ఆటమ్ ఎనర్జీ ఫీల్డ్‌ని రెండు రకాలుగా ప్రభావితం చేసుకోవచ్చు.

1. స్పిరిట్యువాలిటీ అని మనం పిలుచుకునే విశ్వం యొక్క ఇంటెలిజెన్స్ క్వాంటమ్ లెవల్‌లో ఓ శరీరంలో బయో ఫోటాన్స్ రూపంలో ఓ కోహరినెన్స్‌ని సృష్టించడం ద్వారా ఓ నిర్థిష్టమైన విధంగా స్పిన్ అయ్యేలా వేవ్ రూపంలో వైబ్రేషనల్ ఎనర్జీగా మారిపోవడం. ఇక్కడ మన ప్రమేయం ఏమీ ఉండదు. విశ్వం ఇంటెలిజెన్స్ ఉంటుంది.

2. ఒక అబ్జర్వర్‌గా నాకు పెయిన్ గా ఉంది అని మన ఆలోచనల ద్వారా ఒక సెల్‌లోని ఆటమ్ యొక్క అపరిమితమైన పొజిషన్స్‌ని పెయిన్ అనే ఓ సూపర్ పొజిషన్ వద్ద సెటిల్ చేసి, పెయిన్ మరింత ఎక్కువ అయ్యేలా ఆ పెయిన్‌తో ఐడెంటిఫై అవడం. దాంతో పెయిన్ కి కారణం అయ్యే వేవ్ పొజిషన్ “సూపర్ పొజిషన్”గా మారిపోయి, పెయిన్ అనేది ఎక్కువ అవుతుంది. లేదా “నాకు ఎలాంటి పెయిన్ లేదు” అనే బలమైన ఆలోచన కలిగి ఉండడం ద్వారా వేవ్ పొజిషన్‌ని మరో పాజిబులిటీలో ఆరోగ్యకరమైన ఎనర్జీ లెవల్‌లో స్పిన్ అయ్యేలా ప్రభావితం చేసుకుని ఆరోగ్యకరంగా మారడం.

ఇలా లోతుగా స్టడీ చేసుకుంటూ వెళుతుంటే.. యూనివర్శ్ ఎంత అద్భుతమైనదో తెలుస్తోంది. I’m thankful to the universe for providing such a deep understanding. కేవలం ఆలోచనలతో తమ ఆరోగ్యాన్ని బాగు చేసుకున్న వారు.. కేవలం బలమైన ఇంటెన్షన్‌తో ప్రకృతిని ప్రభావితం చేయగలిగిన రుషులు కేవలం ఎనర్జీతో అసాధ్యాలను సుసాధ్యం చేసిన వారే!!

– Sridhar Nallamothu

దేశ సరిహద్దుల్లో కొంతమంది సైనికులు గస్తీ కాస్తున్నారు. నియంత్రణ రేఖ వెంట అటూ ఇటూ తిరుగుతున్నారు.

దేశ సరిహద్దులను రక్షించడం వారి బాధ్యత. అంటే వారు బౌండరీస్‌ని నిరంతరం కనిపెట్టుకుని ఉంటారన్నమాట.

మనం కూడా అంతే! We set our boundaries and we continuously check whether they are safe or not.

ఒక మనిషికి సహజంగా వచ్చే ఆలోచనల్లో 90 శాతం ఈ బౌండరీసే!

ఉదా.కి.. రాము అంటే సోముకి ఇష్టం లేదు అనుకోండి. సోము హైటెక్ సిటీ ప్రాంతంలో ఏదో ఆఫీసులో కూర్చుని సీరియస్‌గా పనిచేసుకుంటూ కూర్చుని కూడా రాము గురించి మధ్యలో ఆలోచిస్తాడు. రాము అనే వాడు సోము అనే వాడికి ఓ బౌండరీ అన్నమాట. రాముని మించి సోము ఆలోచించలేదు. వాస్తవానికి రాము బదులు బిల్ గేట్స్ గురించి సోము బౌండరీ పెట్టుకోవచ్చు. కానీ రాము గురించి మళ్లీ మళ్లీ ఆలోచించేసి సోము మైండ్ ఆ చిన్న బౌండరీ దాటలేకపోతోంది.

మనకు ఓ ప్రాబ్లెం ఉంది అనుకోండి. కళ్లు మూసుకున్నా, తెరిచినా దాని గురించి ఆలోచిస్తూ అది సేఫ్‌గా ఉందా లేదా ఛెక్ చేసుకుంటూ ఉంటాం. కానీ మన మైండ్ మాత్రం పైకి “నేను ఆ ప్రాబ్లెంకి సొల్యూషన్ ఆలోచిస్తున్నాను” అని అబద్ధం చెబుతుంది.

Know reality అనేది మైండ్‌కి చాలా కంఫర్టబుల్‌గా ఉంటుంది. ఆలోచించిన విధంగానే మళ్లీ మళ్లీ ఆలోచించడం మైండ్‌కి ఇష్టం. కారణం మనం కాన్షియస్‌గా ఇదీ అని ఆలోచించకుండా, “నీ పాటికి నువ్వు ఆలోచించు” అని మైండ్‌కి పెత్తనం అప్పజెప్పేస్తాం. దాంతో మైండ్ ఆటో-పైలైట్ మోడ్‌లో తన పని తాను చేసుకుంటూ ఉంటుంది. తెలిసిన విషయాల గురించే, తెలిసిన వ్యక్తులు, తెలిసిన సమస్యలు ఇలా అన్నీ తెలిసిన వాటి గురించి మళ్లీ మళ్లీ ఎలా ఆటో-పైలైట్‌లో ఆలోచించాలో దానికి ఐడియా ఉంది కాబట్టి అదే ఆ బౌండరీస్ చుట్టూ ఆలోచిస్తూ ఉంటుంది. ఆ బౌండరీస్‌ని ఎలా అధిగమించాలో దానికి తెలీదు.

ఏ వ్యక్తయితే కాన్షియస్‌గా వ్యక్తుల రూపంలోనూ, పరిస్థితుల రూపంలోనూ, సామర్థ్యాల రూపంలోనూ ఉన్న తన బౌండరీస్‌ని దాటుకుని ఆలోచిస్తాడో, వెళతాడో అతను known realityని అధిగమించి కొత్త ప్రపంచాన్ని చవిచూస్తాడు. I always practice it.

• Sridhar Nallamothu

కదలకుండా నీళ్లు స్థిరంగా ఉండే చెరువుని గుర్తు తెచ్చుకోండి. అందులోకి ఎవరో తాగి పారేసిన ప్లాస్టిక్ బాటిల్‌ ఉంది అనుకోండి. అది నీళ్ల మీద తేలుతూ ఉంటుంది కదా! ఆ చెరువులో పెద్దగా గ్రావిటేషనల్ శక్తి లేదు కాబట్టి అలా కదలకుండా ఆ బాటిల్ నీటి ఉపరితలం మీద తేలుతూనే ఉంటుంది.

ఇప్పుడు ఆ బాటిల్ పడేసి ఉన్న దగ్గరలో ఓ తూము ద్వారా నీరు బయటకు పోతోంది అనుకోండి. ఇప్పుడు కదలకుండా ఉన్న వాటర్ కి గ్రావిటీ (గురత్వాకర్షణ శక్తి) జత అయింది. దీంతో ఏమవుతుంది? ఆ తూము దగ్గర ఓ సుడిగుండం లాంటి స్ట్రక్చర్ ఏర్పడి నీరు అక్కడ సుడులు తిరుగుతూ లోపలికి లాగి వేయబడుతుంది. దీంతో దూరంగా ఉన్న నీళ్లు కూడా సుడులు తిరుగుతూ (spin) ఆ తూము వైపు వస్తుంటాయి. ఆ నీళ్ల బాటిల్ కూడా ఆ గురత్వాకర్షణ శక్తి వైపు గుండ్రంగా తిరుగుతూ వస్తుంది.

సరిగ్గా విశ్వం నుండి మన శరీరంలో ఉండే ఆటమ్స్, సబ్ ఆటమిక్ పార్టికల్స్ వరకూ ఇలా నిరంతరం సుడులు తిరగడం జరుగుతూనే ఉంటుంది. అలా తిరగడంలో భాగమే భూమి, ఇతర గ్రహాలు సూర్యుడు చుట్టూ తిరగడం లాంటివి.

మనకు సమానమైన వేగంతో ఉన్నవి మనకు కదలకుండా ఉన్నట్లు కనిపిస్తాయి. ఉదా.కి.. మీరు ఒక బస్ లో కూర్చున్నారు అనుకోండి. మీ ముందు సీట్లో ఉన్న వ్యక్తి స్థిరంగా కూర్చున్నట్లు కనిపిస్తాడు. అదే మీరు బస్ దిగి, కదిలే బస్‌ని బయట నుండి చూస్తున్నారు అనుకోండి. అదే సీట్లో ఉన్న వ్యక్తి వేగంగా వెళ్లిపోతున్నట్లు అనిపిస్తుంది. అంటే మీ స్పీడ్ బస్ స్పీడ్ వేరు అయినప్పుడు మాత్రమే బస్ వేగంగా వెళుతున్నట్లు మీకు తెలుస్తుంది.

సో మనం భూమ్మీద ఉన్నప్పుడు భూమి సూర్యుడి చుట్టూ గంటకి 1000 మైల్స్ చొప్పున తిరుగుతూనే ఉంది అన్నది అర్థం కాదు. కారణం భూమి తనతో పాటు మనల్నీ అదే స్పీడ్ లో తిప్పుతోంది కాబట్టి! అదే వేరే గ్రహం మీదకి వెళ్లి చూస్తే భూమి పరిభ్రమిస్తున్న విషయం తెలుస్తుంది.

సరిగ్గా అలాగే ఈ విశ్వమంతా కేవలం ఈ స్పిన్నింగ్ ద్వారానే నిర్మితమవుతోంది. ఉదా.కి.. మనిషి రక్తాన్ని మైక్రోస్కోప్ లో పరిశీలిస్తే రక్తంలోని పార్టికల్స్ స్పిన్ అవుతున్నట్లు గమనించవచ్చు. చివరకు పైకి నున్నగా ఉండే చర్మంలోని కణాలను, వాటిలోని ఆటమ్స్, ప్రోటాన్స్‌ని పరిశీలిస్తే అవి 99 శాతం ఖాళీ ప్రదేశంతో, 1 శాతం ఎనర్జీతో వేగంగా తిరుగుతూ ఉండడం ద్వారా ఓ గుండ్రని వంపు తయారై, కోటానుకోట్ల ఆటమ్స్ కలిసి ఓ కణంగా, అలాంటి కోట్ల కణాలు కలిసి టిష్యూ‌గా ఒకదానికొకటి గ్రావిటేషనల్ శక్తితో అతుక్కుపోయినట్లు ఏర్పడి పైకి మనకు బరువుగా, బలంగా ఉన్న శరీరంగా తయారవుతాయి.

పైన మనం చెప్పిన చెరువులో నీళ్ల ఉదాహరణనే తీసుకుంటే.. తూము వైపు నీళ్లు లాక్కునేటప్పుడు… అలా కదులుతూ ఉండే నీళ్లలో మళ్లీ చిన్న చిన్న సుడులు (వీటినే కోహరెంట్ ప్యాట్రర్న్స్ అంటారు) కనిపిస్తూ ఉంటాయి కదా! ఇలా విశ్వం నుండి మన శరీరంలోని ప్రోటాన్స్ వరకూ ఎనర్జీ పరిభ్రమణం జరిగేటప్పుడు.. అక్కడక్కడ ఏర్పడే సముదాయాలే మనం బయట ప్రపంచంలో చూసే మెటీరియల్ రియాలిటీ. అంటే మనం చూసే బిల్డింగులు, మనుషులు, దేశాలు ఇలా మనకు కళ్లకు కనిపించే ప్రతీదీ ఇలాగే ఏర్పడుతుంది అన్నమాట.

ఉదా.కి.. ఒక కులానికి చెందిన వ్యక్తులు ఓ సంఘంగా ఏర్పడి ఓచోట కలిశారు అనుకోండి. వారి ఆలోచనల్లో కులం అనే ఒక అంశం ఆధారంగా కోహరెన్స్ (పొందిక) ఏర్పడి ఉంది. మరికొందరు హిందూ మతమని, క్రిస్టియానిటీ అని ఇలా ఒకే విధమైన ఆలోచనల ద్వారా కోహరెన్స్ కలిగి ఉంటారు. మరికొందరు దేవుడు, భక్తి అని నిరంతరం భజనల గురించి, పూజల గురించి మాట్లాడుకుంటూ కోహరెన్స్ కలిగి ఉంటారు. విశ్వం మొత్తం స్పిన్ అయ్యేటప్పుడు ఇలా ఒకే రకమైన వేవ్‌లెంగ్త్, ఎనర్జీ ఫీల్డ్‌తో ఉన్న వ్యక్తుల ఎనర్జీ వారంతా కలిసి ఓచోట కూర్చున్నప్పుడు వారు యూనివర్శ్‌లోకి వెదజల్లే వైబ్రేషన్ ఆధారంగా ఓ ప్యాట్రర్న్‌గా తయారవుతుంది. ఆ ప్యాట్రర్న్ థింకింగ్ నుండి “మనమంతా ఓ సొసైటీ రిజిస్టర్ చేసుకుందాం” అనే ఆలోచన ఉద్భవించడం, ఆ ఆలోచన వచ్చిన వెంటనే సొసైటీ ప్రెసిడెంట్ ఎవరు ఉండాలి అన్నది వారి థాట్స్ స్పిన్ అవడం ద్వారా అందరి ఏకాభిప్రాయంతో ఒకరిని సూచించడం, వారి ఆలోచనలకు తగ్గట్లు వారి బ్రెయిన్, నెర్వస్ సిస్టమ్ లో మోటార్ మెకానిజం ద్వారా చేతులు, కాళ్లలో కదలికలు ఏర్పడి సంతకాలు చెయ్యడం, రిజిస్ట్రార్ ఆఫీసుకి వెళ్లడం ఇవన్నీ చకాచకా జరిగిపోతాయి. వీటన్నింటి వెనుకా ఉన్నది ఏంటంటే.. స్పిన్నింగ్ ద్వారా ఏర్పడిన ఒకే రకమైన కోహరెన్స్ ఆలోచనలు మాత్రమే.

విశ్వంలోని గ్రహాలు, దేశాలు, రాష్ట్రాలూ, కులాలూ, మతాలు, సమూహాలు, ఒకే రకమైన పక్షులు, జంతువులు, ఒకే రకమైన ఆలోచనలు ఇలా ప్రతీదీ ఎప్పటికప్పుడు తమ వైబ్రేషన్ ద్వారా ఓ పొందిక (కోహరెన్స్) ఏర్పరుచుకుని తమ లక్ష్యాలను నెరవేర్చుకుని మన కళ్లకి కనిపించే వాస్తవ ప్రపంచాన్ని సృష్టిస్తాయి. ఉదా.కి.. తెలంగాణ రాష్ట్రం ఏర్పడడం అనేదే తీసుకుందాం. కోట్ల మంది తెలంగాణ వాసుల ఆలోచనల్లో ఉండే కోహరెన్స్ ఆ రాష్ట్ర సాధన వెనుక ఉన్న ఉద్యమాలకు కారణం అయింది.

అంతెందుకు ప్రకృతిలో మన కళ్లకి కనిపించని పొందిక ఎంతో ఉంది. ఒక కెమెరాని ట్రైపాడ్ కి పెట్టి ఓ రెండు రోజుల పాటు ఓ గులాబీ మొక్కని ఫ్రేమ్ చేసి కదలకుండా రికార్డ్ చేస్తూ ఉండండి. టైమ్ లాప్ప్ మోడ్ లో రికార్డ్ చేస్తే.. గులాబీ చిగురు తొడిగి మొదట ముడుచుకుని, ఆ తర్వాత విచ్చుకోవడం వరకూ ఓ ప్యాట్రర్న్, కోహరెన్స్ ప్రస్ఫుటంగా కనిపిస్తుంది. మొగ్గ తొడగడం మొదలుకుని పువ్వుగా విచ్చుకోవడం వరకూ అది spin అయింది. కానీ అలా వివిధ దశలు దాటడానికి చాలా సమయం పట్టింది కాబట్టి మనకు అది spin అయినట్లు అర్థం కాలేదు. కేవలం timelapseలో చూసినప్పుడు మాత్రమే ఇంత మార్పు జరిగిందా అన్నది తెలిసింది. సో విశ్వమంతా ఓ పొందికలో ఇలా నిర్మితమవుతూనే ఉంటుంది.

అంతెందుకు మీరు వాడే స్మార్ట్ ఫోన్ మీ చేతిలోకి రావడం వెనుక.. ఆయా కంపెనీల డిజైనింగ్ టీమ్, ఇంజనీరింగ్ టీమ్, ప్రొడక్షన్ టీమ్ మొత్తం తమ ఆలోచనల్లో ఉండే ఐడియాని ఎగ్జిక్యూట్ చేసి ఉత్పత్తి చేసే వరకూ కలిగి ఉండే కోహరెన్స్, వారి ఆలోచనల్లో నిరంతరం సుడులు తిరిగే ఆ లక్ష్యమే ఈరోజు.. రకరకాల ముడి పదార్థాలను వేడి, చల్లబరచడం, వత్తిడి ద్వారా కర్వ్ గా వంగేలా చెయ్యడం ఇలా కావలసిన విధంగా మార్చుకుంటూ ఫోన్ తయారయ్యేలా జరిగాయి.

ఇలా తెలుసుకుంటూ పోతే విశ్వం ఎంత పొందికలో ఉందో అర్థమవుతుంది.

• Sridhar Nallamothu

ఫారినర్స్ పాటిస్తూ ఇండియాలో మాత్రం ఆధ్యాత్మిక తిరోగమనానికి కారణం ఇది? – Sridhar Nallamothu

విదేశాల నుండి ఇండియాకి వచ్చి రకరకాల యోగ విధానాల్లో శిక్షణ పొందే వారిని చూసి మన భారతీయులం మన భారతీయ సంస్కృతి గురించి గొప్పగా చెప్పుకుంటూ ఉంటాం. కానీ భారతీయ ప్రాచీన జ్ఞానాన్ని నేర్చుకునే, అభ్యాసం చేసే చిత్తశుద్ధి మాత్రం మనలో కన్పించదు. కేవలం తాతలు నేతులు తాగారు అనే తరహాలో గొప్పలు చెప్పుకోవడం తప్పించి!

వ్యక్తిగతంగా నేను పాశ్చాత్య ఆధ్యాత్మిక గ్రంధాలనేకం చదివాక మన వేదాలు, అరబిందో, రమణ మహర్షి, జిడ్డు కృష్ణమూర్తి వంటి పలువురు చేసిన ఆధ్యాత్మిత, తత్వ బోధనలను చదివాను. పాశ్చాత్యులు గొప్పగా చెప్పే జ్ఞానమంతా క్లిష్టమైన పరిభాషలో మన దేశ పురాతన గ్రంధాల్లో నిక్షిప్తం చెయ్యబడి ఉంది. ఇంకా చెప్పాలంటే రుగ్వేదం, యజుర్వేదం, సామవేదం వంటి వేదాల్లో ఒక్క లైన్‌లో ప్రస్తావించబడిన సూక్ష్మ సత్యాలను విశదీకరించి విదేశీయులు పుస్తకాలు పుస్తకాలు రాశారు.

మరి ఆధ్యాత్మిక జ్ఞానానికి పుట్టినిల్లు అయిన భారతదేశంలో అది ఎందుకు అంతరించిపోతోంది అన్న దాన్ని నిశితంగా నేను పరిశీలించినప్పుడు అర్థమైన విషయాలు ఇవి.

1. జ్ఞానం ప్రవాహం లాంటిది. ఒక దగ్గర నిలిచి ఉండేది కాదు. ప్రవాహం ఆగిపోతే ఎలా మురికిపట్టిపోతుందో జ్ఞానమూ అంతే! గురు శిష్యులు, గురువు పట్ల వినయం కలిగి, నేర్చుకోవాలనే జిజ్ఞాస కలిగిన శిష్యులు మెల్లగా అంతరించిపోయారు. చాలామంది గురువులకు కూడా లోతైన విషయాలు తెలీకపోవడం, మొక్కుబడిగా పైపై విషయాలు తెలుసుకుని అదే జ్ఞానబోధ అని భావించడమూ దీనికి కారణం. డబ్బులకు అమ్ముకునే స్థితికి జ్ఞానం దిగజారిన తర్వాత పరిస్థితి మరీ విషమించింది.
   
2. దివంగతులు ప్రముఖ జర్నలిస్ట్ అరుణ్ సాగర్ గారిని పలుమార్లు కలిశాను. ఆయన కన్జ్యూమరిజం మీద విపరీతంగా ఫైట్ చేసేవారు. కార్పొరేట్లు వస్తు వినియోగాన్ని ప్రోత్సహించి, మనుషుల్ని మెటీరియల్ ప్రపంచం వెనుక పరుగులు తీసే సంస్కృతి ఇది. కొత్త కారు కొంటే, మరో వస్తువు కొనాలనిపిస్తుంది.. పక్కన వాడు ఏది చేస్తే అంతకన్నా మెరుగ్గా చేయాలనిపిస్తుంది. మనకు వచ్చే ఆదాయం, మనకు ఎంత వరకూ అవసరం వంటివన్నీ మర్చిపోయి మెటీరియల్ ప్రపంచంలో కొట్టుకుపోయే వ్యక్తికి ఆశలూ, కోరికలూ, అవి తీరనప్పుడు ఏర్పడే అశాంతి, నిస్పృహ నిరంతరం వెంటాడుతుంది. నేను మనిషి శరీరంలోని chakras గురించి లోతుగా స్టడీ చేశాను. అన్నింటి కంటే క్రిందిది మూలాధార చక్ర మనిషి ఉనికికి సంబంధించినది. నేను సౌకర్యంగా ఉన్నాను, నేను ఆర్థికంగా బాగున్నాను అనే సంతృప్తి పొందనంత వరకూ ఆ చక్రలో ఎనర్జీ బ్లాక్ అయి ఉంటుంది. మూలాధార చక్ర ఎనర్జీ బ్లాక్ అయితే ఆ తర్వాత పై భాగాల్లో ఉండే మణిపూరక, అనాహత వంటి అన్ని చక్రాలకు, చివరకు సహస్రార చక్ర ద్వారా విశ్వంతో కనెక్ట్ అవడం జరగదు.

సో నాకు అది లేదు, ఇది లేదు అనే పరుగులాటలో ఉన్న వ్యక్తి మూలాధార చక్ర స్థాయిలోనే ఇరుక్కుపోయి ఉన్నప్పుడు ఇంకా అతని ఆజ్ఞా చక్ర, సహస్రార చక్ర, అన్ కండిషనల్ లవ్‌ని రుచిచూపించే హార్ట్ చక్ర ఎలా అవగాహనలోకి వస్తాయి?

బౌద్ధంలో బుద్ధుడు చెప్పేది ఒకటే.. మనిషి కోరికే దుఃఖానికి హేతువు అని! ఈరోజు అనుకున్న కోరికను పొందితే సంతోషం లభిస్తుంది. అదే కోరిక వెనుక మరో రూపమూ పొంచి ఉంటుంది. ఈరోజు పొందినది రేపు పోవడానికి సిద్ధంగా ఉంటుంది. ఈరోజు ప్రేమని పొందితే రేపు అదే ప్రేమ అదే వ్యక్తి నుండి గానీ ఇంకో వ్యక్తి నుండి గానీ పోయే ప్రమాదం ఉంటుంది కదా! అంటే ప్లెజర్ ఉన్న దగ్గరే పెయిన్ పొంచి ఉంటుంది. ఈ ప్లెజర్, పెయిన్ ఊబిలో మన భారతీయులు ఎక్కువగా కూరుకుపోతున్నారు. డబ్బు, స్వార్థం, అవసరాలు ఇవే మన మైండ్‌లను డామినేట్ చేస్తున్నాయి. అలాంటప్పుడు ఈ మైండ్‌ని అధిగమించి, సోల్ స్థాయికి చేరుకుని నిరంతరం నిశ్చలంగా ఉండే అలౌకిక ఆనందాన్ని పొందడం మనకు ఎలా సాధ్యపడుతుంది?

3. ఆధ్యాత్మికత అంటే చెత్త చెత్త యూట్యూబ్ ఛానెళ్లు, అవగాహన లేని గురువులు మూఢ భక్తి అని తేల్చి పారేశారు. సోమవారం పూజ చేస్తే ఈ ఫలితాలు లభిస్తాయి, ఇంట్లో ఈ వస్తువు ఉంటే డబ్బులే డబ్బులు.. ఇలా మనుషుల్లోని మూఢత్వాన్ని, పాత భీతిని క్యాష్ చేసుకోవడం వల్ల నిజమైన ఆధ్యాత్మికత మరుగునపడుతోంది. వివిధ దీక్షలు తీసుకున్నప్పుడు లక్షలాది వెచ్చించి అలంకారం చేసి, పది రకాల ఆహారాలు పెడితేనే దేవుడు కరుణిస్తాడు అనే దిగజారుడు మానసిక స్థితికి ఆధ్యాత్మికతను పడిపోయింది.

భక్తి యోగాలో కొబ్బరికాయలు, నైవేద్యాలూ, అలంకారాలూ ముఖ్యమైనవి కావు. దైవ రూపాన్ని (భౌతిక రూపం కాదు, ఫొటోలో కన్పించేది కాదు) హృదయంలో ప్రతిష్టించుకోవడం ద్వారా మైండ్ చేసే మాయ తొలగిపోయి ఏకత్వం లభిస్తుంది. అప్పుడు భావోద్వేగాలూ, మానసిక వైకల్యాలూ, మనుషులందరూ వేర్వేరు అనే భావనలు తొలగిపోయి మనిషి విశ్వమానవుడిగా, దైవ రూపంగా అవతరిస్తాడు. అది చెప్పగలిగే ఏ గురువూ మనకు కన్పించదు.

నిజమైన ఆధ్యాత్మిక జ్ఞానాన్ని అర్థం చేసుకున్న పాశ్చాత్యులు మాత్రమే వ్యక్తిగతంగా ఎదిగిపోతుంటారు. కానీ మనం కులాలు, మతాలు అంటూ కొట్టుకుంటూ మనిషిలోని దైవత్వానికి బదులు రాక్షసత్వాన్ని పెంచి పోషించుకుంటున్నాం.

ఇది ఎవరైనా షేర్ చేసుకోవచ్చు. రాసిన నల్లమోతు శ్రీధర్ అనే నా పేరు తొలగించి షేర్ చేసుకుంటే మీలో పైన చెప్పిన రాక్షస భావనలు పుష్టిగా ఉన్నాయని మీరు గ్రహిస్తే చాలు. జ్ఞానానికి విలువ ఇవ్వని రాక్షస భావన అది.

ధన్యవాదాలు

• Sridhar Nallamothu

“భారత దేశ యువత దేశానికి పునాదిగా నిలవాలి, దేశ భవిష్యత్‌ని కాపాడాలి” అని బలంగా నమ్మే స్వామి వివేకానంద స్ఫూర్తితో గత 20 ఏళ్లుగా పనిచేస్తున్న వ్యక్తిగా నేను సమాజాన్ని నిరంతరం నిశితంగా గమనిస్తూ వస్తున్నాను.

ముఖ్యంగా యువతరం కదలికలు, వారి బాడీ లాంగ్వేజ్‌, వారి థాట్ ప్రాసెస్, ఎక్స్‌ట్రీమ్స్ వంటివన్నీ చాలా దగ్గరగా పాసివ్‌గా గమనిస్తూ ఉంటాను. రోడ్ మీద గ్రూప్ ఆఫ్ కుర్రాళ్లు వెళుతుంటారు.. వాళ్ల బాడీ లాంగ్వేజ్, వేషాలు, వాళ్ల మాట్లాడుకునే మాటలు వంటివన్నీ సమాజాన్ని అర్థం చేసుకోవడంలో భాగంగా I observe. అలా అన్ని అకేషన్స్‌లో నేను keen observerని!

యువతని ఇంత క్లోజ్‌గా పరిశీలించాక.. నాకు ఏర్పడిన భావన..! పేరెంట్స్‌గా మీకు ఇళ్లల్లో ఉండి తెలీట్లేదు గానీ.. అధికశాతం మంది పిల్లలు, ముఖ్యంగా అబ్బాయిలు సంఘ విద్రోహ శక్తులుగా తయారవుతున్నారు.

అమ్మాయిలది తప్పు లేదా అని మీరు అనొచ్చు అదీ చెబుతాను. ఓపిగ్గా మొత్తం చదవండి.

ప్రేమ Aspect గురించి చెబుతాను.

టీనేజ్‌లో దాదాపు ప్రతీ అమ్మాయి, అబ్బాయి శరీరంలో హార్మొనల్ మార్పుల వల్ల ఎవరినో ఒకర్ని ప్రేమించడమో, కనీసం మనస్సులో ఇతరుల పట్ల క్రష్ ఉండడమో సహజం. చరిత్రలో ఎన్నో గొప్ప ప్రేమ కధలు ఉన్నాయి. అంతెందుకు ప్రేమించి పెళ్లి చేసుకుని షష్టిపూర్తిలు పూర్తి చేసుకుంటున్న వయో వృద్ధులూ ఉన్నారు. కానీ ప్రేమ ఇద్దరి హృదయాలకు సంబంధించినది అనే బేసిక్ అండర్ స్టాండింగ్ నుండి ప్రేమ అంటే సెక్స్ కోరికలు తీర్చుకోవడమే అనే స్థితికి సమాజాన్ని దిగజార్చాం. దీనికి సినిమాలు మొదలు, ఫేస్‌బుక్‌లో కన్పించిన వాళ్లకల్లా “మీరు బ్యూటిఫుల్‌గా ఉన్నారు, ఇంతందం మీకే స్వంతం” వంటి మానసిక వ్యభిచారంతో వలవేసే పురుషులు, మగువల వరకూ ప్రతీ ఒక్కరి హృదయంలో ఉన్నది ప్రేమ కాదు, కేవలం శారీరక మోజు.

మరి అలాంటిది ఫేస్‌బుక్‌లో ప్రగల్భాలు చెప్పే గొప్పోళ్లకే ప్రేమకీ, శారీరక వ్యామోహానికీ తేడా తెలీకపోతే ఇంకా టీనేజ్ యువతరానికి ఎలా అర్థమవుతుంది? ఒక మనిషి పట్ల ప్రేమ ఉంటే వాళ్లని అస్సలు టచ్ చెయ్యకుండా కూడా ఆరాధించవచ్చు అన్నది ఈ యువతరానికి చెప్పే వాళ్లెవరు?

సరిగ్గా ఇక్కడే ఇద్దరు ప్రేమగా ఉండాల్సిన యువత, వాళ్ల జీవితం పట్ల ఒకరికొకరు బాధ్యత కలిగి ఉండి, మంచిగా సెటిల్ అయి ఒకరినొకరు ప్రోత్సహించుకుంటూ, పెద్దలను కన్విన్స్ చేసుకుని ఉండాల్సిన యువత ఏ బలహీన క్షణమో శారీరక వాంఛలు తీర్చుకుంటూ, ఇంకా దాన్ని కొంతమంది సినిమా తారలమన్నట్లు వీడియోల్లో బంధించుకుంటూ, ఆ వీడియోలను పోర్న్ సైట్లలో గర్వంగా పెట్టుకుంటూ.. ఎంత దిగజారుడుతనం?

అసలు ఓ అమ్మాయిని ప్రేమించిన ఏ మగాడైనా ఆమె ఆత్మ గౌరవాన్ని కాపాడే బాధ్యత లేదా? “ఆమె నా girl” అనే ఫీలింగే ఉంటే, ఆమె ఎలాంటి ఇబ్బందీ లేకుండా, ఎవరి దగ్గరా చులకన అవకుండా గొప్పగా ఉండాలి అనే భావన ఉంటే ఆమె పరువును బజార్లో పెడతారా? ఎంత సిగ్గుచేటు?

ఒకమ్మాయి ప్రేమిస్తే ఒకడినే ప్రేమిస్తుంది. కొంతమంది ఉండొచ్చు.. ఒకేసారి పలువురు అబ్బాయిలను ప్రేమిస్తూ, వాడుకుంటూ బ్రతికేవాళ్లు. కానీ 90 శాతం ఒకమ్మాయి ప్రేమిస్తే ఒకడినే ప్రేమిస్తుంది. ప్రేమించే వరకే కాస్త జాగ్రత్తగా, బెట్టుగా ఉంటుంది. ప్రేమించాక ఇక అతనే సర్వస్యం అనుకుంటుంది. తనని తాను కోల్పోతుంది. కానీ ఒకబ్బాయి ప్రేమ చాలా సందర్భాల్లో మోజు తీరాక డైల్యూట్ అవడం చూస్తున్నాం. సరిగ్గా ఇదే పరిస్థితిలో.. ఈ మధ్య టీనేజ్ యువతరం కొంతమంది తన girlని తన స్నేహితులతో పంచుకోవడానికి కూడా వెనుకాడడం లేదంటే, ఆమె మాట వినకపోతే రేప్ కూడా చేస్తున్నారంటే అస్సలు ఏంటిది? నిన్ను నమ్మి నీతో ఉన్న అమ్మాయిని నీ స్నేహితులతో పంచుకోవాలని భావిస్తున్నావు చూశావా.. నువ్వు మనిషివా పశువ్వా?

తల్లీ, తండ్రీ ఏ లోటూ లేకుండా అల్లారు ముద్దుగా పెంచుకున్న ఆ అమ్మాయిని మార్చి మార్చి ఎవరో పశువులు రేప్ చేస్తున్నారంటే తల్లిదండ్రులకు ఆ ఊహే ఎంత దారణంగా ఉంటుంది?

ఇలాంటి క్యారెక్టర్ లెస్ యువతకి పేరెంట్స్ కాకుండా ఇంకెవరు క్యారెక్టర్ నేర్పుతారు? కని పారేసి, డబ్బులు సంపాదించేసి, కాస్ట్‌లీ బైక్‌లు కొనిపెట్టేసి, ఇంకా కావాలంటే కార్లు కొనిపెట్టేసి “మా వాడు చాలా రాయల్‌గా బ్రతుకుతాడు” అని గర్వపడితే ఎంత సిగ్గుచేటు? ఇదా పేరెంటింగ్. పిల్లల్ని కనిపెట్టుకుని ఉండాల్సిన పనిలేదా?

అమ్మాయిలది తప్పులేదా.. అనొచ్చు. యెస్.. చాలామంది అమ్మాయిలదీ తప్పు ఉంది. అమీర్‌పేట, కూకట్‌పల్లి వంటి చాలాచోట్ల హాస్టల్స్‌లో బరితెగించి బ్రతికే ఎంతోమంది అమ్మాయిలను ఆ చుట్టు పక్కన పనుల మీద వెళ్లినప్పుడు కళ్లారా చూశాను. రోడ్ల మీద రొమాన్స్ చేసే వాళ్లని! అలాగే అబ్బాయిలను వాడుకుని వాళ్ల ఫీలింగ్స్, ఎమోషన్స్‌తో ఆడుకునే వాళ్లని! బట్ ఇక్కడ అస్సలు పాయింట్ మర్చిపోతున్నాం.. నేను అమ్మాయిల పక్షానో, మీరు అబ్బాయిల పక్షానో చీలిపోయి “వాళ్లది తప్పంటే, కాదు వీళ్లది తప్పు” అని వాదించుకోవడంలో ఆరితేరిపోయాం గానీ అస్సలు పైన నేను చెప్పిన విషయాలు ఎంతమంది ఇంత లోతుగా ఆలోచిస్తున్నారు?

Spend quality time with your children. జీవితంలో ప్రేమ దొరక్కపోతే ఆ బాధ అర్థం చేసుకునే పరిపక్వత కూడా లేని పేరెంట్స్‌ని చూస్తున్నాం. ఫీలింగ్స్, ఎమోషన్స్ చచ్చిపోయి మెషీన్స్‌గా బ్రతికేస్తున్న పేరెంట్స్‌కి పిల్లలు ప్రేమ కోసం ఎంతగా పరితపిస్తున్నారో ఎలా అర్థమవుతుంది? మీ పిల్లల్ని ఉన్నతంగా, గొప్ప ఆలోచనలతో, జీవితం పట్ల మంచి దృక్పధం ఏర్పడేలా పెంచండి. నాలుగు మంచి మాటలు చెప్పండి, దిశానిర్దేశం చెయ్యండి. కొంతమంది మా పిల్లలు వినట్లేదు అంటారు. వినట్లేదు అని లేబుల్ వేసి, వాళ్ల ఖర్మకి వాళ్లే పోతారు అని పక్కకుపోతే ఎలా?

మనం చెప్పే పద్ధతి సరిగ్గా లేకపోతే స్ట్రేటజీ మార్చుకుని వేరే పద్ధతిలో చెప్పాలి. చెప్పడంలో నువ్వు పేరెంట్‌గా ఫెయిల్ అవుతున్నావు, దాన్ని మార్చుకో. ఇలాంటి టాపిక్స్ చాలామంది రాస్తారు, మరి మిత్రులు నాకు కనెక్ట్ అవుతారు అంటే ఎందుకు? అది నా గొప్ప కాదు. ప్రతీ aspectలో పార్టియాలిటీ లేకుండా బ్యాలెన్స్‌డ్‌గా, సొల్యూషన్ ఓరియంటెడ్‌గా నేను రాసే విధానం. సో పిల్లలతో కమ్యూనికేట్ చెయ్యడం మొదట నేర్చుకోండి. డబ్బులు సంపాదించుకునేది తర్వాత!!

• Sridhar Nallamothu