త్వరలో మార్కెట్లోకి రానున్న “ఆనందం” తెలుగు సినిమా వార పత్రికకు గౌరవ సంపాదకునిగా బాధ్యతలు చేపట్టబోతున్నాను…

గతంలో 1996 నుండి 1998 వరకూ సూపర్ హిట్ సినిమా మేగజైన్‌కి సబ్ ఎడిటర్‌గా రజనీ, కమల్, చిరంజీవి, బాలకృష్ణ, మనీషా, మాధురీదీక్షిత్ వంటి సీనియర్లతో కలిసి పనిచేసిన నేపధ్యంలో… అప్పటి మిత్రుడు 100 GSM హై క్వాలిటీ పేపర్‌తో మార్కెట్లోకి తీసుకురాబోతున్న పత్రిక ఇది.

నా సమయానుకూలతల బట్టి సినిమా ఫంక్షన్లు, ఇంటర్వ్యూలూ వంటివీ నిర్వహించబోతున్నాను. ఆప్తమిత్రుని కోరిక మేరకూ, అలాగే సినిమా రంగంతో నాకున్న సన్నిహిత అనుబంధం మేరకు తీసుకున్న నిర్ణయం ఇది.

కంప్యూటర్ ఎరా మేగజైన్‌ గత 13 సంవత్సరాలుగా ఎలాగైతే నడిపిస్తున్నానో దానిపై పూర్తి ఫోకస్ ఉండనే ఉంటుంది.. టెక్నికల్ వీడియోలూ, updates ఉంటూనే ఉంటాయి. అంటే టెక్నాలజీ తెలుగు ప్రజలందరికీ అందించాలన్న నా లక్ష్యం ఎక్కడికీ పోదు.. అదనంగా ఈ బాధ్యతలు అంతే!

మిత్రులు ఆదరిస్తారని ఆశిస్తూ..

– నల్లమోతు శ్రీధర్

ఇప్పుడే చూసొచ్చాను…

…………

"ఎవరి బ్రతుకు వారిది… ఎవరి కోపం వాళ్లది…"

మట్టి తవ్వుకుపోతున్నారని ఎల్బీ శ్రీరామ్ పిచ్చోడిలా మట్టిని దాచిపెడుతున్నా…

ప్రసాద్ లాబ్స్‌లో మా చెల్లెమ్మ హాసిని హీరోయిన్‌గా చేసిన ECG (ఎదలో చెరగని గురుతులు) మూవీ స్క్రీనింగ్‌కి సందర్భంగా ఫొటోలివి.

– నల్లమోతు శ్రీధర్
ఎడిటర్
కంప్యూటర్ ఎరా తెలుగు మేగజైన్

చాలామంది సినిమా డైరెక్టర్ల గురించి గొప్పగా చెప్పుకుంటాం.. వాళ్లు "తినీ తినకా.. పస్తులుండి పైకొచ్చారట" అని!

ఈరోజు 15 సంవత్సరాల క్రితం చెన్నైలో కలిసి ఉన్న రూమ్మేట్‌ రాంబాబు ఫోన్ చేశారు..

రాంబాబు ఎవరంటే.. "దూకుడు" వంటి పలు సినిమాలకు డిజైన్లు చేసిన పబ్లిసిటీ ఆర్టిస్ట్.

అనేక డబ్బింగ్ సినిమాలు కొని, టివిలకు శాటిలైట్ రైట్స్ అమ్మి ప్రస్తుతం ప్రియమణితో "అంగుళీకం" అనే అరుంధతి తరహా గ్రాఫిక్స్ సినిమాని తీయబోతున్న ప్రొడ్యూసర్.

మనకు "కెమెరామెన్ గంగతో రాంబాబు" ఎలాగో.. "సినిమా జర్నలిస్ట్ శ్రీధర్‌తో లేఅవుట్ ఆర్టిస్ట్ రాంబాబు" మాదిరి రిలేషన్ అన్నమాట మాది.

నేను హిట్లర్, పెద్దన్నయ్య, అన్నమయ్య, అక్కడ అమ్మాయి ఇక్కడ అబ్బాయి వంటి షూటింగులకు ఔట్‌డోర్లకు వెళ్లి చిరంజీవి, బాలకృష్ణ, నాగార్జున వంటి వాళ్లని ఇంటర్వ్యూలు చేసుకుని వచ్చి మేటర్ రాస్తే..

ఆ మేటర్‌ని టాబ్లాయిడ్ పేజీలో అందంగా అమర్చిపెట్టే వ్యక్తన్నమాట అతను.

ఖర్చులకు జీతాలు సరిపోక నెలాఖరులో చేతిలో రోజుకి 30 చొప్పున మాత్రమే ఖర్చుపెట్టుకోవలసిన పరిస్థితులూ ఫేస్ చేసేవాళ్లం.

చెన్నై టి.నగర్ బస్టాఫ్‌ దగ్గర శరవణ భవన్‌కి పక్కనే ఓ చవకైన హోటల్ ఉండేది. నెలాఖరు వచ్చిందంటే.. ఇద్దరం రోజుకి రూ. 30తో ఒక ప్లేట్ భోజనం ఆ హోటల్ లో ఉదయం పూట తినేసి సాయంత్రం పస్తులు ఉండేవాళ్లం. అకలి మర్చిపోవడానికి రకరకాల కబుర్లు చెప్పుకునే వాళ్లం. కబుర్లు చెప్పుకునే ఓపిక లేకపోతే ఆకలి మర్చిపోవడానికి పెందలాడే నిద్రపోయేవాళ్లం.

ఇద్దరం ప్రయాణం అలా మొదలైంది..

నాకు సినిమా ఇండస్ట్రీ, అక్కడి తళుకులూ, బెళుకులూ, మనుషుల లోపల ఉండే కుళ్లూ, కుతంత్రాలూ, భజన చేయడాలూ నా మస్థత్వానికి సరిపడవని ఇటు కంప్యూటర్ రంగం వైపు పూర్తిగా మారిపోయాను.

అతను సినిమా రంగంలో కొనసాగుతూ వచ్చాడు..

అతని రంగంలో అతను చాలా ఎదిగాడు.. నా రంగంలో నేను నా వంతు కృషి చేస్తూనే ఉన్నాను.

15 ఏళ్ల తర్వాత ఈరోజు కలుసుకున్నప్పుడు ఎంత సంతృప్తి అంటే… ఆనాటి మా ఆకలి గుర్తులు తలుచుకుని వ్యక్తపరచలేని ఫీలింగ్.

మేము అతని ఆఫీసులో ఉండగా.. ఓ క్యారెక్టర్ అవకాశం కోసం ఓ నటుడు వచ్చాడు..

అతని performance చూపించడానికి తటపటాయిస్తుంటే.. రాంబాబు ఒక్కటే అన్నాడు….  "అతను ఈ సినిమాకి ప్రొడ్యూసర్ లాంటి వాడు" అని నా వద్ద ఆ ఆర్టిస్ట్‌ వెనుకాడవలసిన అవసరం లేదని చెప్పకనే చెప్పాడు.

నిజంగా లైఫ్ అంటే ఇది… మేము కష్టపడ్డాం, పడుతున్నాం, గర్వపడుతున్నాం, సంతృప్తి పొందుతున్నాం.. ఇంకా చాలా సాధించాలని చాల హార్ట్‌ఫుల్‌గా అనుకున్నాం.

సరిగ్గా ఇదే హార్డ్‌వర్కింగ్ నేచర్ ప్రతీ స్టూడెంట్‌లోనూ, రకరకాల రంగాల్లో సెటిల్ అవ్వాలని కోరుకునే ప్రతీ వ్యక్తిలోనూ ఉండాలనే నేను ప్రతీ సందర్భంలోనూ సీరియస్ విషయాలే రాస్తుంటాను.

————————————————————–

ఇంకో హాపీ న్యూస్ ఏమిటంటే…

ఇటీవల లవ్లీ సినిమా ఎవరైనా చూశారా..?

లేదా ప్రేమలో పావని కళ్యాణ్? చంటిగాడు..?

ఈ సినిమాలన్నింటి దర్శకురాలు జయ మేడమ్‌ని రాంబాబూ, నేనూ వెళ్లి కలిశాం..

ఈరోజు నేను టెక్నాలజీ మీ అందరికీ అందించగలుగుతున్నానంటే అది జయ మేడమ్ పుణ్యమే. ఆవిడే "టెక్నాలజీ పత్రిక మొదలెడదాం శ్రీధర్" అంటూ సూపర్ హిట్, క్రేజీవరల్డ్ పత్రికలకు సబ్ ఎడిటర్‌గా నేను పనిచేసేటప్పుడు 1996లో అన్నారు.. అలా మొదలెట్టాం.

10-12 సంవత్సరాల తర్వాత మళ్లీ ఈరోజే ఆవిడని కలిశాం. ఆవిడ చాలా హాపీ.

సునీల్‌తోనూ, ఆ తర్వాత నాగార్జునతోనూ తర్వాతి సినిమాలు చేయబోతున్నానని చెప్పారు.

సినిమా రంగాన్ని నేను వదిలిపెట్టడం గురించి డిస్కషన్ వచ్చినప్పుడు… జయ మేడమ్ ఒకటే అన్నారు.. "నీ మనస్థత్వానికి నీ పాత్ నే కరెక్ట్.. ఇక్కడ చాలా రాటుదేలిపోయి ఉండాలి, మనస్సు చంపుకుని బ్రతకాలి" అని!

సో ఏ మూలో సినిమా రంగానికి దూరం అయ్యానన్న ఫీలింగ్ ఉండేది.. అది కాస్తా ఈరోజు జయ మేడమ్ మాటలతో పూర్తిగా పోయింది.

రియల్లీ ఐయామ్ వెరీ వెరీ వెరీ హాపీ టుడే…

ఇప్పటివరకూ ఎంత పూర్తి పవర్‌తో పనిచేశానో.. అంతకంతా ఈరోజు రీఛార్జ్ అయ్యాను.

ధన్యవాదాలు మై డియర్ ఫ్రెండ్స్..

– నల్లమోతు శ్రీధర్
ఎడిటర్
కంప్యూటర్ ఎరా తెలుగు మేగజైన్
http://computerera.co.in
http://youtube.com/nallamothu

1997 నాటి మాట.. కాళహస్తిలో “రధయాత్ర” షూటింగ్ జరుగుతోంది. రాజశేఖర్, రోజా హీరో హీరోయిన్లు. కోడి రామకృష్ణ దర్శకులు. మిత్రులు జగన్ గారనుకుంటా ఆ సినిమాకి PRO. షూటింగ్ కవరేజ్ కోసమని చెన్నై నుండి రెండు పెద్ద కార్లలో పసుపులేటి రామారావు గారు, ఉమా మహేశ్వరరావు గారు, జగన్ గారు, మణిగోపాల్ (హ్యాపీడేస్ లో అరెరె.. గీతరచయితా, ఇప్పటి వనమాలి) గారు మరికొందరు బయల్దేరాం.
నేను కాళహస్తిని చూడడం అదేననుకుంటా మొట్టమొదటిసారి. వెళ్లడం వెళ్లడం మండపం దగ్గర షూటింగ్ యూనిట్ దగ్గరకు వెళ్లాం. షాట్ గ్యాప్ లో కోడి రామకృష్ణ గారు, రాజశేఖర్ గారు, రోజా గారూ అందరం ఒకర్నొకరు విష్ చేసుకున్న తర్వాత వాళ్లు షూటింగ్ పనిలో పడ్డారు. మధ్యాహ్నం లంచ్ చేశాక ఇంటర్వ్యూలు ప్లాన్ చేసుకున్నాం.

ఎటూ టైమ్ ఉంది కదా అని ఆ మండపంలో తిరుగుతూ, ప్రెస్ మిత్రులందరం సినిమా కబుర్లు చెప్పుకుంటూ, మధ్యలో షూటింగ్ మీద ఓ కన్నేస్తూ గడుపుతున్నాం. బాగా గుర్తు… రాజశేఖర్ గారి మీద ఏదో ఒక షాట్ ఎంతకీ ఓకే కావడం లేదు. పాపం రాజశేఖర్ గారు ఓపిగ్గా మళ్లీ మళ్లీ చేస్తూనే ఉన్నారు.

కేవలం మీడియాలో మాత్రమే రాజశేఖర్, జీవిత గార్లని చూసే చాలామంది వార్ని చిన్నచూపు చూడడం, ఇష్టమొచ్చినట్లు కామెంట్లు చేయడం వింటూ ఉన్నాను. వారి రాజకీయ నిర్ణయాలూ, ఇతరత్రా పక్కన పెడితే.. సినిమా రంగంలో అన్యోన్యమైన జంట అని పర్ ఫెక్ట్ ఎగ్జాంపుల్ గా ఎవర్నయినా చెప్పాలంటే రాజశేఖర్, జీవితలనే చెప్పుకోవాలి. జీవిత గారైతే షూటింగ్ తనది కాకపోయినా, ఇంటి నుండి క్యారేజ్ కట్టుకొచ్చి పక్కన, చంటి పిల్లని (అప్పటికి ఒకమ్మాయే) చాలా జాగ్రత్తగా చూసుకుంటూ సెట్ లో ఓ మూలన కూర్చుండే వారు. షాట్ గ్యాప్ లో రాజశేఖర్ గారు వచ్చినప్పుడు ఆయనకు సపర్యలు చేయడం.. ఇక్కడ ఎవరో ఏదో అనుకుంటారన్న మొహమాటాలు లేవు. తాను తన భర్త క్షేమం చూడాలి అన్న తాపత్రయం.

సినిమా చూసి, లేదా చూడకుండానే ఎవరో ఏదో చెప్తే బాగుందనో, బాలేదనో అనుకుంటాం గానీ.. అక్కడ అలా సెట్లలో ఓ పక్క లైటింగ్ ఉక్కపోత, చెమట్లు దిగగారిపోవడం, సరిచేసుకున్న నిమిషంలోనే పాడైపోయే మేకప్పు, ఓ వైపు లైట్ బాయ్స్ దగ్గర్నుండీ ప్రొడక్షన్ వాళ్ల దాకా కెమెరా డిపార్ట్ మెంట్, ఆర్ట్ డైరెక్టర్, కోడైరెక్టర్లు, అసిస్టెంట్లూ, ప్రొడక్షన్ వాళ్లూ అస్సలు ఆ సందడిలో అన్నీ ఓ హార్మోనీలోకి రావడానికి ఎంత కష్టపడాలో.. మనం సినిమాల్ని చూసేసి ఎంతో సులభంగా విరిచే పెదవి విరుపులు ఎందరి కష్టాన్ని అణగదొక్కుతున్నాయో అర్థం చేసుకుంటే ఎంత చవకబారు సినిమానైనా ఎప్పుడూ విమర్శించాలనుకోం.

సరే మధ్యాహ్నం కోడి రామకృష్ణ గారూ, హీరోహీరోయిన్లూ అందరం కూర్చుకుని ఇండస్ట్రీ కబుర్లు చెప్పుకుంటూ లంచ్ పూర్తి చేశాం. తర్వాత కామన్ ప్రెస్ మీట్ లో అందరం ఎవరు రాసుకునేది వాళ్లం రాసేసుకుని, మళ్లీ షాట్ గ్యాప్స్ లో రాజశేఖర్ గారితోనూ, రోజా గారితో నా వరకూ నేను స్పెషల్ ఇంటర్వ్యూలు తీసుకుని వచ్చిన పని పూర్తి చేశాను. తిరుగు ప్రయాణంలో చెన్నై చేరుకునేసరికి అర్థరాత్రయింది. అందర్నీ ఎవరిళ్ల దగ్గర వాళ్లు దిగేసి సెలవు తీసుకున్నాం. మరోసారి మరో సినిమా అనుభవంతో కలుస్తాను.

– నల్లమోతు శ్రీధర్
ఎడిటర్
కంప్యూటర్ ఎరా తెలుగు మేగజైన్